"Flanders will never let go of Brussels"...

... because Brussels is also the capital of Flanders, according to the Flemish prime minister Kris Peeters as reported in flandersnews.be.

Ah, yes, indeed. So that's why, I suppose, the great majority of the Brussels population are Flemish speakers, isn't it? Or let's put it another way. The Flemish intend to have a French-speaking city as capital of The Great Independent Prosperous Nederlands-Speaking Republic of Vlaanderen.

Go to Rome and ask the people there which nationality they consider themselves to be. Go to Moscow, Prague, (avoid London...), Paris, Berlin, etc. Then go to Brussels "the capital of Flanders". According to Meneer Peeters the Bruxellois are Flemish. Ha!

Malta: 46 sena nazzjon

Is-sliem lil Malta indipendenti, il-veru u l-uniku jum nazzjonali ta' pajjiżna. Tal-biki li l-jum meta Malta saret nazzjon hi l-okkażjoni biex nenfasizzaw il-firda ta' bejn iż-żewġ tribujiet. Iridu jibdew tal-PN - Jum l-Indipendenza MHUX il-ġurnata meta għandek torganizza mass meeting partiġġjan!

Eroj nazzjonali...

Meta jmut xi ħadd b'inċident tat-traffiku ma jmurx il-President ta' Malta għall-funeral, u lanqas il-Prim Ministru jew il-Kap tal-Oppożizzjoni.

Meta jmut xi ħadd b'overdose tad-drogi ma jmurx il-President ta' Malta għall-funeral, u lanqas il-Prim Ministru jew il-Kap tal-Oppożizzjoni.

U lanqas ma l-President ta' Malta, il-Prim Ministru jew il-Kap tal-Oppożizzjoni ma marru l-funerali ta' bosta nies eżemplari li naf jien, li ddedikaw ħajjithom kollha għall-familja tagħhom li tant kienu jħobbu.

Imma mbagħad xi ħadd li kapriċċożament iħalli 'l martu armla u wliedu ltiema biex joqgħod jilgħab bil-bombi... dak eroj nazzjonali, kważi l-ekwivalenti ta' funeral statali jagħmlulu. Fuq quddiem nett tarahom il-President ta' Malta, il-Prim Ministru u l-Kap tal-Oppożizzjoni.

Le, le, veru qegħdin sew. Għandhom il-prijoritajiet f'posthom l-għeżież mexxejja politiċi ta' Malta...

Viva l-festa

Minn hawn nixtieq nawgura lill-Kappillan u lill-kumitat tal-festa tax-Xagħra Għawdex li jkollhom festa sabiħa, mimlija briju u divertiment, u li llejla jidħlu jorqdu b'moħħhom mistrieħ u l-kuxjenza safja. Nawguralhom ukoll li l-eluf ta' ewri li ntefqu għall-festa tax-Xagħra "ma jkunux intefqu għalxejn", kif qal kummentatur fit-Times. X'nitmellħu mis-sitta min-nies li nqatlu jumejn ilu u splodew l-eluf l-oħra li kienu ntefqu għan-nar tal-istess festa...

Dawk kollha f'Malta li jgħidu li huwa "inimmaġinabbli" li jkun hemm festa tar-raħal bla nar (kif kien hemm fl-editorjal tal-Independent ilbieraħ), jistgħu jmorru sax-Xagħra biex jistimulaw ftit l-immaġinazzjoni.

U jaħasra setgħu użaw waħda minn dawn il-fabbriki minflok għan-nar...

Nies bla sinsla

Il-pulċinelli ddeċidew iwaqqfu bord ta' inkjesta biex jinvestiga l-materjali li qed jagħmlu l-bombi tal-festi bihom.

Isma' din, mela. Għandna suspett li l-materjali li jagħmlu l-bombi tal-festi bihom huma difettużi. Qed isiru splużjonijiet kbar fil-kmamar tan-nar, regolarment kull ftit ġimgħat. Kull darba qed imutu n-nies: ilbieraħ mietu erba' jew ħamsa, u tnejn oħra maħruqa ġisimhom kollu jilagħbuha mal-mewt. Familji sħaħ devastati. Ir-raħal tal-Għarb b'ħafna mid-djar ġratilhom ħsara strutturali. Il-gżejjer Maltin ġew f'sitwazzjoni li tixbah stat ta' gwerra, jew taħt theddida terroristika, ma tafx fejn imiss tfaqqa' splużjoni ġo nofs il-kampanja. Għandna suspett li l-kmamar tan-nar li għadhom ma splodewx jistgħu jisplodu huma wkoll, għax il-materjali li jagħmlu l-bombi bihom difettużi.

U x'inhi t-tweġiba tal-mexxejja għorrief li għandna? Waqqfu l-produzzjoni tal-logħob tan-nar sakemm tiġi stabbilita l-kawża tad-devastazzjoni? Jingħalqu l-kmamar tan-nar, għax perikolużi wisq, sakemm jitneħħa l-materjal kollu difettuż?

Le, ma tarax! Trid jissugraw jiksruha mad-dilettanti tal-kamikaże tradizzjonali? Ma tafx li dawn NIES BLA SINSLA?

Iparlaw fil-vojt fuq il-valuri. Jidhirli l-ħajja valur importanti. Jidhirli s-sens ta' sigurtà għal min għaddej jgħix ħajtu għall-affari tiegħu valur importanti. Jidhirli li l-fatt li t-tfal ma jisfgħux iltiema minn missierhom hu valur importanti. Imma għal dawn in-NIES BLA SINSLA, l-uniku valur huwa l-vot.

Sinjuri NIES BLA SINSLA. Għandkom il-voti tal-fanatiċi tal-bombi assigurati, dejjem jekk jinzertaw jagħmlu parti mill-istess tribù tagħkom. Imma l-vot tiegħi tliftuh.

It's a sin...

Ara x'qalilna wieħed Anton Gouder, imlaħħaq sew fil-Kurja, kif irrappurtat fit-Times of Malta tal-bieraħ:

"A convinced Catholic who voted in favour of divorce would be going against Christ’s teachings and this was a sin, the Curia’s Pro-Vicar said during an interview on church radio RTK."

Dan apparti skoss argumentar pwerili ieħor, inkluż diversi drabi meta rrefera għal "pajjiżi li introduċew id-divorzju", daqs bħallikieku hemm xi pajjiżi li fil-fatt ma introduċewhx. Sur Gouder, nimmaġina m'intix injurant, u allura jkolli naħseb li qed tipprova tqarraq bil-fidili, għax fil-fatt id-divorzju fid-dinja kollha daħal!

Imma ħa ngħaddu għall-argument ta' seħibna li l-aktar laqat l-immaġinazzjoni tal-Maltin - il-biċċa xogħol li min jivvota favur id-divorzju jkun qed jagħmel dnub. U jikkwota lil Kristu dan. Erġajna, wieħed għandu linja diretta għal moħħ Alla, issa dan qed idaħħal lil Kristu fi kwistjoni fejn m'għandu x'jaqsam xejn.

Kristu kien għamilha ċara, li r-reliġjon u l-istat m'għandhomx jindaħlu wieħed lill-ieħor. "Agħti lil Ċesare dak li hu ta' Ċesare, u lil Alla dak li hu ta' Alla." Hawn m'aħniex qed nitkellmu fuq iż-żwieġ nisrani. Dik ċara, iż-żwieġ nisrani ma jinħallx. Voldieri, kieku jidħol id-divorzju fl-aħħar rokna li għad fadal fid-dinja fejn dan għadu ma jeżistix (taqta' barra r-repubblika tal-banana magħrufa bħala l-Filippini), huwa ċar li ħadd ma jkun jista' jiddivorzja biex imbagħad jerġa' jiżżewweġ bir-rit nisrani. Dik ovvja. (Almenokè ma jkunx ħa d-divorzju - sori! l-annullament - mingħand il-Kurja stess...).

Mela fuq xiex qed nitkellmu eżattament? F'għajnejn l-istat, iż-żwieġ huwa patt ċivili bejn żewġ persuni, f'Malta bilfors ta' sess oppost minn xulxin. Bid-divorzju dan il-patt ċivili, iż-żwieġ ċivili, jinħall. Wara li jsolvu bejniethom it-taħbila ta' x'isir mit-tfal u mill-assi tal-koppja - taħbila li teżisti diġà bħalissa meta koppja jisseparaw - iż-żewġ naħat ikunu liberi li jerġgħu jiżżewġu. Ovvjament, nerġa' ngħid, dan it-tieni żwieġ impossibbli li jkun żwieġ nisrani, għax f'għajnejn il-Knisja l-iddivorzjati xorta jkunu għadhom miżżewġin. Imma f'għajnejn l-istat dawn issa m'għadhomx miżżewġin, u jistgħu liberament jiżżewġu bir-rit ċivili.

Mela fejn jidħol id-dnub f'dan kollu? Għax jgħixu bħala koppja miżżewġa (kif fil-fatt ikunu) mingħajr ma għamlu s-sagrament taż-żwieġ? OK, veru. Imma dan id-"dnub" ilu jsir f'Malta minn meta fl-1975 daħal iż-żwieġ ċivili. Jiġifieri bid-divorzju fejn konna bqajna fejn jidħlu dnubiet - l-istat diġà jippermettihom. Is-separazzjonijiet diġà qed isiru, u l-ebda Kurja ma tista' twaqqafhom. Bid-divorzju, l-isseparati jistgħu jerġgħu jiżżewġu bir-rit ċivili. Fil-fatt dan ir-rit ċivili diġà ntuża minn eluf ta' koppji f'Malta. F'għajnejn il-Knisja Kattolika dawn kollha qed jgħixu "fid-dnub", imma dik affari tagħhom, bejn il-kuxjenza tagħhom u l-alla tagħhom, jekk għandhom. Affari tagħhom, u tal-ebda Gouder.

Issa dal-povru votant, li qed jiġi mhedded b'eternità fl-infern (sakemm ma jqerrx, issa ngħaddi għaliha din), jekk jivvota favur id-dħul tad-divorzju f'Malta, x'inhi eżattament il-ħtija tiegħu? Dan mhux qed jiddivorzja, mhux qed jgħix ta' miżżewweġ bla sagrament, qed jgħix ħajja ta' nisrani eżemplari, imma... qed jagħmilha possibbli lil min irid jgħix ħajtu mod ieħor biex ikun jista' jagħmel hekk, legalment. Jew issa wieħed mill-obbligi tan-nisrani saret li jrid iġiegħel lil kulħadd jgħix ħajja ta' nisrani bħalu? Kien mingħalija li tgħix ħajja tajba nisranija hija għażla libera, imma mhux skond is-Sur Gouder...

Imma għad fadal tama għal dan il-povru votant: "If a person repents and goes to confession, all sins can be forgiven. If someone steals from his workplace and during confession promises to stop doing so and redeem the stolen goods, I will absolve his sins and he will be able to receive communion".

Voilà, problema solvuta! Jista' jivvota favur id-divorzju, u mbagħad iqerr. Dnubietek maħfura. U b'hekk neliminaw il-biża' ta' xi ġlieda politiko-reliġjuża oħra, meta fis-snin 60 lin-nies kienu jiskomunikawhom għax jivvotaw lil-lejber. Ejja, wara nofs seklu għamilna pass 'il quddiem. Jaħfrulna dnubietna.

Ġidra irresponsabbli

"Fireworks are my addiction... and we are all at God's mercy", qalilna wieħed minn dawn il-fanatiċi tal-isparar tal-bombi, li tant iwerwru tfal u trabi, u joħolqu miżerja għan-nies morda u inkonvenjent għan-nies normali li jixtiequ jgħixu ħajjithom bil-kwiet fi djarhom.

Das-sinjur miżżewweġ, u martu qed tistenna tarbija. Imma għalih l-importanti d-delizzju, anzi fi kliemu stess vizzju, dipendenza bla kontroll, fuq l-isparar tal-bombi. Lest jissogra ħajtu, iħalli lil martu armla u lit-tarbija li għadha lanqas rat id-dawl iħalliha ltima - basta jissodisfa l-vizzju tal-isparar tal-bombi.

U jekk hu jew sħabu jħawdu xi waħda, u jispiċċa mtajjar m'għola s-sema b'xi splużjoni milli xbajna nisimgħu? Ma jkunx tort it-traskuraġni, l-injoranza u n-nuqqas ta' responsabbiltà tiegħu u ta' sħabu. Le, it-tort ikun ta' Alla, skond dan.

Ara x'raġunar bażwi ħarġilna bih. Jaf li qed jissogra, imma anki min isuq karozza qed jissogra. Anki fuq ix-xogħol hemm min imut, imma xorta jibqgħu jaħdmu n-nies, u jsuqu l-karozzi.  Jiġifieri skond dan l-għaref in-nies imorru x-xogħol u jivvjaġġaw bil-karozza biex jissodisfaw vizzju bla rażan, għal kapriċċ. Nistgħu ngħaddu mingħajr ma mmorru x-xogħol jew nivvjaġġaw minn post għal ieħor, skond dan l-għaref.

Prosit eh. Imbagħad injorant ġidra irresponsabbli bħal dan jafdawh u jagħtuh liċenzja biex joqgħod jilgħab bl-isplussivi u bil-bombi.

L-aqwa li nsalvaw it-tradizzjoni.

Naqra sinsla, xi ħadd?

Kull ftit xhur il-logħob tan-nar qed iħalli l-vittmi. Irġiel, missirijiet fl-aqwa ta' saħħithom qed iħallu lin-nisa tagħhom romol, lil udielhom iltiema, familji mfarrka, ħajjiet devastati, kollox għal ġieħ id-'delizzju', it-tradizzjoni, u għall-festa tar-raħal.

Kull sena, kull sajf, kull weekend, il-logħob tan-nar u speċjalment il-murtali tal-bomba jwerwru lit-tfal żgħar, iġennu lin-nies morda fi djarhom jew l-isptar, jaqtgħu minn ġewwa lil nies normali li qed jgħixu ħajjithom bil-kwiet bla ma jagħtu fastidju lil ħadd. Kollox għal ġieħ il-festa tar-raħal.

Ma nafx jien. Iparlaw tant fuq morali... Dawn l-affarijiet ma jarawhomx immorali l-awtoritajiet tal-knisja? Fetħu kruċjata kontra d-divorzju għax se jkisser il-familji (meta l-familji diġà jkunu fil-fatt imfarrka); it-tifrik tal-familji kkaġunat bil-logħob tan-nar, il-ħsad ta' ħajjiet fl-aqwa tagħhom, kollox f'isem il-festi reliġjużi, dawn ma jtuhomx fastidju? Ma jqisuhiex immorali l-miżerja li qed tinħoloq b'dawn il-misħutin bombi?

Il-festi sbieħ, imma m'hemmx għalfejn imutu n-nies minħabba fihom, u jkunu ħafna isbaħ mingħajr dan l-istorbju u splużjonijiet vjolenti bla sens.

Ejja Pawl, minnek tiddependi din. Kuraġġ, urina li għandek aktar sinsla mill-awtoritajiet ċivili ta' Malta kollha kemm huma. Meta kien hemm bżonn il-knisja ġieli ħarġet digrieti li fit-tali u t-tali post ma ssirx festa esterna. Bl-istess mod tista' toħroġ digriet li l-logħob tan-nar ma jiġġustifikax dan it-telf kollu ta' ħajjiet, u għandu jinqata'. Forsi fl-aħħar tkun għamilt xi ħaġa għall-ġid, għax s'issa ħlief daħq u tbissim għadna ma rajniex mingħandek.

Viva t-tradizzjoni

Splużjoni enormi llum heżżet lil Malta. Mhix ċajta din, l-aħwa: Malta, kollha kemm hi, pajjiż sħiħ minn tarf sa tarf, mheżża minn splużjoni kkawżata mill-misħuta "tradizzjoni" tal-logħob tan-nar.

Ma jistax ikun nibqgħu sejrin b'dal-ġenn. Imma kulħadd jaf li fil-fatt se nibqgħu sejrin b'dal-ġenn. Issa skoss paroli, forsi noħolqu xi kummissjoni oħra biex tistudja s-sitwazzjoni tal-logħob tan-nar, "waqt li niżguraw li jibqa' salvagwardat id-delizzju tradizzjonali Malti tal-logħob tan-nar", ħafna talb u appelli għall-moderazzjoni, u nkomplu għaddejjin eżatt kif konna qabel, nistennew sakemm tasal l-isplużjoni li jmiss.

X'marru jagħmlu fuq il-post l-aġent prim ministru, l-arċisqof emeritus, id-depjutilider tal-lejber, skoss segretarji parlamentari, il-wipp tal-PN, u kwantità kbira ta' dinjitarji oħra? Ġabru t-tifrik tal-isplużjoni u qegħduhom lura f'posthom? Misshom baqgħu jieħdu s-sjesta d-dar jew fl-uffiċċju, mhux immorru WARA li seħħ il-fatt, wara li ħadd ma kien għamel assolutament xejn biex tiġi evitata traġedja bħal din, immorru biex isemmuna fil-gazzetta u nidhru fuq it-television.

Issa qed jaħsbuha għandhomx iħassru l-festa tal-Mosta li suppost kienet se ssir fil-jumejn li ġejjin. Għadhom lanqas minn dik m'huma ċerti. Ħeqq, jintilef ħafna biżnis hu...

Grazzi Guido

L-ewwel darba li sirt naf bi Guido de Marco kien fil-bidu tas-sebgħinijiet. Kellu xi 42 sena, u kienu ġabu ritratt tiegħu fil-gazzetta, qed jiġi kkunslat mill-kap tal-PN Ġorġ Borg Olivier wara li l-pulizija qasmulu rasu b'daqqa ta' lembuba... talli kien qed jieħu sehem f'ċelebrazzjoni ta' Jum l-Indipendenza. Dak iż-żmien, biex tiċċelebra l-indipendenza ta' Malta kienet kważi xi ħaġa klandestina, semi-illegali, sfida kontra r-reġim. Kienu jgħajruk xewwiexi, traditur, għadu tal-ħaddiem. U tissogra li taqla' xi xebgħa, bil-barka jekk mhux ukoll bis-sehem attiv tal-pulizija.

Kienet immaġini li baqgħet stampata f'moħħi, u għadha hekk sal-lum. Minn dakinhar, u għal bosta snin wara, għalija Guido kien jissimboleġġa r-reżistenza għat-totalitarjaniżmu tal-gvern ta' Mintoff, u wara ta' Karmenu Mifsud Bonnici.

Għall-ewwel kien iddispjaċieni meta laħħqu lil Eddie, u mhux lil Guido, bħala kap tal-PN. Erħilha li wara biddilt fehmti u l-istorja żvolġiet kif jaf kulħadd.

Niftakar kif kien jindirizza lill-folla f'dawk is-snin memorabbli tar-reżistenza kontra r-reġim. Kienu jitkellmu ġeneralment tlieta wieħed wara l-ieħor - l-ewwel Louis Galea, imbagħad Guido u fl-aħħar Eddie. Guido kien jitla' fuq il-podju, u għall-ewwel ftit ma jgħid xejn, jibqa' għal kollox sieket. It-tgedwid ġenerali tal-folla jibda jonqos ftit ftit, u kulħadd jinduna li se jibda jitkellem Guido. It-tgedwid jispiċċa fix-xejn, u fis-silenzju kulħadd jistenna biex jisma' dik l-għajta kbira li għadha tidwi sal-lum f'moħħ tant eluf ta' Maltin:

"NAZZJONALISTI!"

U l-folla twieġeb, b'għajta li ttarrax! Għadu s'issa jaqbadni t-tkexkix meta niftakar.

Kif għadda ż-żmien. U maż-żmien inbidlu l-personaġġi, inbidlu ċ-ċirkostanzi, u nbdilna aħna. L-ideali, il-ħolm, il-viżjoni, saru parti mill-istorja. Konna għadna żgħar, u tkun żgħir tara kollox iswed u abjad. Imma wara tinduna li l-iswed u l-abjad fil-fatt huma griż skur jew aktar ċar, u mhux biss anzi hemm anki tant kuluri differenti...

Il-kelma nazzjonalist lili ddejjaqni. Inqisni minn kollox barra nazzjonalist. Li kien għalija d-dinja pajjiż wieħed, u ma jeżistux nazzjonijiet. Imma jibqa' l-fatt li politikament trabbejt u ġejt imsawwar fis-snin sebgħin u tmenin, u dawk is-snin għamluni Nazzjonalist, fis-sens ta' membru kburi tal-ġlieda għal-libertà u d-demokrazija f'Malta. U wieħed mill-figuri ta' quddiem nett ta' dak il-moviment kien Guido de Marco.

Grazzi Guido. Minn hawnhekk insellimlek.

The swin(e)dle of the century

Swine flu pandemic officially over, according to the World Health Organisation, said the Times of Malta today.

Ah, yes, we may go out and about again, without fearing catching the "deadly" virus that has a lower fatality rate than normal influenza...

The relief!

Indeed.

I loved the following reader's comment: "Over the past decade we've covered cows, birds, pigs...I think the next one should be about horses, sheep or goats. We could give it a catchy name like mad-cow, so that gullible people will be even more impressed as they watch the news updates every evening about this new thing they are being told to fear and waste money on. I was thinking something in the lines of Sheep Armageddon F1H2. News reporters could even do things like say 'Folk, its looking really baaaaaaaaaaaaad so far'. Perfect." (David Captur)

I loved the following reaction to the above comment even more: "You are being most probable sarcastic."

Now was he really, I wonder...? It made my day :-))

Min qalilhom lil dawn?

Kif semmejt diġà, ma rridx nidħol fl-argument favur jew kontra d-divorzju. L-argument ilu li ġie konkluż fis-sekli l-imgħoddija, ħlief għal f'żewġ repubbliki tal-banana, li fortunatament huma insinifikanti f'perspettiva dinjija daqs kemm hi qatra fl-oċean. Anki l-Knisja Kattolika saret tikkonċedi d-divorzju formalment, imma ssejjaħlu b'isem differenti - annullament.

Li xtaqt nikkummenta hawnhekk hu dwar żewġ spunti fost il-ħafna li tqanqlu permezz tal-famuża Private Member's Bill ta' Jeffrey Pullicino Orlando.

L-ewwel waħda hi l-kwistjoni tar-referendum. Esponenti għolja tal-gvern - li mhux b'kumbinazzjoni huma qatta' bla ħabel kontra d-dħul tad-divorzju f'Malta - qed jagħtu x'wieħed jifhem li l-kwistjoni għandha diġà riżolta b'referendum. Probabbli jxommuha li, anki minħabba l-influwenza kbira li għandha l-Knisja Kattolika fuq l-elettorat Malti, il-maġġoranza tivvota le.

Imma din l-idea hi demokratikament skorretta - ikun referendum fażull ieħor! Għaliex liġi li tirregola s-sitwazzjoni ta' żwiġijiet falluti għandha tkun soġġetta għal referendum? Bl-istess raġunar allura kull liġi li toħroġ fil-pajjiż għandha tgħaddi b'referendum. Mela allura l-parlament għalfejn qiegħed, jekk mhux biex japprova l-liġijiet f'isem il-poplu? Dawn wara kollox rappreżentanti tal-poplu huma.

Allura, ngħid jien, id-dekriminalizzazzjoni tal-adulterju u tal-prattika omosesswali għaliex ma saritx b'referendum? U x'kien jiġri kieku fil-fatt sar referendum dwarhom? Ovvja! Kienu jibqgħu atti kriminali, għax il-maġġoranza ma taqbilx magħhom, u għax ir-reliġjon Kattolika ma tippermettihomx.

U hawn joħroġ tant ċar il-konfużjoni ġenerali, anki fost uħud mir-rappreżentanti tal-poplu, dwar id-distinzjoni bejn reliġjon u stat. Ħafna Maltin jippretendu li r-Repubblika ta' Malta għandha ġġib ruħha bħala xi kolonja tal-Vatikan. Ma jistgħux jifhmu li l-parlament Malti għandu jilleġisla f'isem l-istat u għall-poplu ta' Malta, u mhux f'isem xi reliġjon jew oħra. Kristu stess kien qal: "Agħti lil Ċesare dak li hu ta' Ċesare, u lil Alla dak li hu ta' Alla".

U dan iwassalni għat-tieni spunt. Appuntu. "Id-divorzju: Alla ma jridux". Hekk kitbulna b'ittri daqs dinja fuq kartellun f'Ħaż Żebbuġ. U kif jafu dawn? Kif jista' sempliċi bniedem jiddikjara daqshekk bla tlaqliq li jaf x'inhi r-rieda ta' Alla? Din x'megalomanija hi? Ma narax kif xi ħadd, hu min hu, li huwa inqas minn nitfa mqabbel ma' Alla, jista' jiġi jipproklama l-opinjoni ta' Alla b'daqshekk ċertezza.

Ma nafx, milli qaluli fuq Alla fil-fatt naħseb jixtieq il-ġid u l-kuntentizza għall-ħlejjaq tiegħu, u ma jixtieqx li n-nies jibqgħu priġunieri ta' żwiġijiet falluti għal ħajjithom kollha. Imma dak x'naħseb jien, u mhux se mmur inxandarha bħala r-rieda ta' Alla.

Wara kollox, la qbadniha fuq Alla, seħibna li kiteb fuq il-kartellun, għandi nifhem, jemmen li Alla tana moħħ biex naħsbu u nirraġunaw, u allura d-deċiżjonijiet li jaffettwawlna ħajjitna rridu noħduhom aħna b'mod raġunat, u mhux b'xi digriet ivvintat.

Never a dull moment

U proprju fil-mument li ddeċidejt li ma nibqax nibbloggja, jew għallinqas nillimita l-ibbloggjar għal minimu, hekku jitfaċċa Jeffrey Pullicino Orlando bil-bombxell tas-sena: private member's bill fil-parlament biex jidħol id-divorzju f'Malta!

Ir-reazzjonijiet tiegħi:

1. Never a dull moment f'Malta.

2. Issa naraw kemm vera huma 'progressivi' l-Moviment ta' Progressivi u Moderati ta' Joseph Muscat, magħruf ukoll bħala l-Partit Laburista.

3. Sakemm ma joħroġx xi diktat mill-Isqof Gonzi, se naraw ukoll kif inhuma mqassmin bejn il-partiti l-elementi liberali u dawk konservattivi fil-parlament Malti. Avolja, ikolli ngħid l-Onorevoli membri se jivvutaw kif jaqblilhom biex iġibu l-aktar voti, u mhux kif vera jaħsbuha fil-kuxjenza tagħhom.

4. Li rnexxielu jagħmel ukoll JPO, u ma nafx kinitx (ukoll) dik l-intenzjoni tiegħu, hi li jtajjar il-karrotta li qed idendel Joseph Muscat biex jikkonvinċi lill-eletturi b'tendenzi liberali jivvutaw lilu - dik tal-vot ħieles fil-parlament dwar id-divorzju. Issa m'għandniex bżonn aktar nistennew lil Muscat isir Prim Ministru biex jippreżenta l-famuża private member's bill li kien qed iwiegħed - u li se jispiċċa ma jippreżentaha qatt...

Prosit JPO. Jista' jkun li kont għaxxaqtha bid-diskoteka fil-Mistra, imma b'din għamilt mossa eċċezzjonali li tpatti għaliha sew.

You don't have to be a religious fanatic to be a Labour MP...

... but it helps! According to the Times of Malta, "Labour MP Adrian Vassallo would rather live in Iran and riot in the streets to defend his religion than live in a country where pornography is available in hotel rooms."

I wonder. Does he belong to the moderate or to the progressive faction of the Malta Labour Party?

Ridikoli!

Ara kif jgħawġuha aħbar it-Times of Malta dot com. Waqgħu għal-livell tas-Super Wann.

"Labour MP 'acknowledges' corruption under pre-1987 Labour governments"

Hekk ħarġu jgħajtu b'titlu prominenti dalgħodu. Qisha l-ammissjoni ġrat ilbieraħ. Dħalt naqra, u skoprejt il-qerq sfaċċat ta' dat-titlu li għoġobhom jużaw. Fil-fatt l-aħbar hi li l-PN irrisponda għall-allegazzjonijiet fuq korruzzjoni li għamel ilbieraħ il-kap tal-lejber Joseph Muscat, u mhux dak li hemm fit-titlu. L-"aħbar" li l-MP laburist Chris Cardona ammetta (fl-aħħar, inżid ngħid) li taħt il-gvern ta' Mintoff/KMB kien hemm il-korruzzjoni kienet ġrat ix-xahar li għadda!

Imma l-qarrejja li jaraw biss it-titlu għax ikollhom affarijiet aktar importanti x'jagħmlu (mhux bħali) kull ma jibqa' f'moħħhom hi l-mea culpa tal-lejber, u assolutament xejn dwar l-allegata korruzzjoni li hemm bħalissa.

L-oħra s-sabiħa hi li l-PN iridu li Joseph Muscat, il-kap tal-Oppożizzjoni, jinvestiga lill-eks ministri laburisti sħabu għal korruzzjoni. Sinjuri tal-PN, safejn naf jien intom qegħdin fil-gvern, u għandkom il-mezzi u l-opportunità kollha kieku tridu li tibdewha intom din l-investigazzjoni.

Ridikoli! Lil John Bundy ma tantx għandi grazzja miegħu, xejn personali, kwistjoni biss ta' gosti, imma tal-kanzunetta li ħareġ ħaqqu jagħmlulu monument.

Now who could ever have thought otherwise

"PL not holding personal data - Commissioner" (Times of Malta, 5 June '10)

No, of course not. Definitely not. Quite sure they're not. And neither are the PN. No doubt whatsoever. Why would they? Surely no one's so gullible as to believe they're holding personal data...!

Xi ftit wisa'

Din Chiara m'għandhiex xaba', għandu jkun. Mhux biżżejjed ħadet sehem fil-Eurovision darba, tnejn, tlieta... Issa għax ma ħaditx sehem bħala kantanta ġiet timlilna l-iskrin biex taqra l-voti ta' Malta.

Dik figura li qed naqtgħu! Jafu n-nies li bagħtuha, li l-mument li jinqraw il-voti ta' Malta hu l-uniku f'sena sħiħa li l-maġġoranza l-kbira tal-Ewropej qatt jiftakru li teżisti Malta u li jaraw persuna Maltija? Li qed nagħtu l-impressjoni li aħna poplu ta' nies... (kif naqbad ngħidha?) "Alla jberikhom", jew li l-popolazzjoni ta' Malta tikkonsisti minn persuna waħda biss?

Bl-Ingliż għandhom l-espressjoni "hogging the limelight" li tispjega eżatt is-sitwazzjoni. Chiara, prosit, ġejt it-tielet imbagħad it-tieni, imbagħad l-aħħar. Issa min jaf kieku tħalli xi ftit wisa' għal ħaddieħor, eh?

Il-Bojler Numru 7

Għal min jgħid li aħna l-Maltin nieħdu lilna nfusna wisq bis-serjetà, u li m'għandniex sens ta' umoriżmu jew ta' ironija, issa għandna l-prova li dan mhux veru.

Wara li nqata' d-dawl f'Malta kollha għal bosta drabi, kaġun ta' ħsara f'dak li ġie identifikat bħala l-Bojler Numru 7 fl-impjant tal-enerġija tal-Marsa, mid-dehra antik u ma jiflaħx għal iktar strapazz, eluf ta' Maltin iffurmaw fan club fil-Facebook, li l-membri tiegħu jgħidu li huma "ammiraturi" tal-Bojler Numru 7. Il-bojler li għandu personalità. L-uniku bojler fid-dinja, skond Daphne Caruana Galizia, li jinsab "on first name terms" mal-popolazzjoni.

Fir-realtà din mhix xi ħaġa taċ-ċajt. Dal-bojler difettuż qed jikkawża ħsara sostanzjali lill-ekonomija ta' Malta kull darba li kaġun tiegħu l-pajjiż jintefa' f'kaos meta jinqata' d-dawl, bl-inkonvenjenza enormi għal kulħadd marbuta ma' dan.

Imma, wara kollox, aħna l-Maltin ukoll għandna sens ta' awtoironija, u dan jispjega għaliex eluf minna ddikjaraw li huma "ammiraturi" ta' xi ħaġa li ma taħdimx sew. Inħossni kburi ngħid li malli sirt naf b'dal-grupp isseħibt miegħu jien ukoll.

Manna ġejja mis-sema

Din tal-prezzijiet tad-dawl u l-ilma naraha xempju ta' dak kollu li hu ħażin fl-isqaq politiku, hekk imsejjaħ demokratiku, li daħlet fih Malta.

Mela, l-ewwel prinċipju bażiku. Id-dawl (interessanti din kif l-enerġija elettrika f'Malta nsejħulha dawl, imma insomma) u l-ilma ma jistgħux jitwasslu fid-djar tal-Maltin qishom il-manna ġejja mis-sema. Jiswew il-flus, u l-istess ħaġa, il-flus ma jaqgħux mis-sema bħall-manna, imma jiġu mill-bwiet tal-Maltin. Parentesi oħra, fil-fatt l-ilma veru jaqa' mis-sema b'xejn bħall-manna, imma tant kellna mexxejja għorrief matul is-snin li, minflok niġbruh u nużawh, ksew il-widien bl-asfalt biex dan l-ilma jibqa' nieżel dritt fil-baħar, u jgħarraq xi skosst idjar fil-proċess.

U allura, kif konna qed ngħidu, id-distribuzzjoni fid-djar tad-dawl elettriku u l-ilma ħelu jiswa l-belli ewri, u dawn il-belli ewri ma jista' jħallashom l-ebda benefattur providenzjali. Irridu nħallsuhom aħna.

X'ġara imma? Ġara li ż-żejt beda jogħla fil-prezz, u allura għolew ukoll l-ispejjeż biex nipproduċu d-dawl u l-ilma, imma biex ma jidhrux koroh u jitilfu l-voti l-gvernijiet li kellna żammew il-prezz tal-konsum tagħhom mid-djar baxx. Il-Water Services u l-Enemalta spiċċaw allura joħorġu b'telf kbir li kien jagħmel tajjeb għalih mill-fondi dejjem aktar limitati li kellu l-gvern, li sadattant kien qed jiġma' dejn ta' mijiet ta' miljuni ta' (dak iż-żmien) liri. U sadattant in-nies fid-dar jikkunsmaw l-ilma u d-dawl bl-addoċċ għax hekk jew hekk kienu rħas...

Meta tela' Alfred Sant fil-gvern induna li dil-biċċa xogħol ma kinitx tagħmel sens. Min jaħli ħafna elettriku u ilma jrid iħallas il-prezz għalihom, u ħa l-passi li kien hemm bżonn biex il-prezzijiet tagħhom jirriflettu aktar kemm fil-fatt jiswew. Ma sabx x'mar jagħmel. Rewwixta. Kemm għajruh kiefer, bla kuxjenza soċjali, minn kollox. Għajruh, naturalment, in-nazzjonalisti dak iż-żmien fl-oppożizzjoni. Il-laburisti għalqu ħalqhom u belgħu l-kanna bil-kwiet, u bdew jiġġustifikaw lil Alfred Sant u jwaħħlu fil-gvern ta' qablu għax kien ħalla ħerba fil-finanzi tal-pajjiż. Hekk kienu jgħidulhom fuq is-Super Wann.

Wara ftit il-gvern ta' Alfred Sant waqa' b'tisbita kbira, u żgur li dil-biċċa xogħol tad-dawl u l-ilma kellha sehem importanti fil-waqgħa ta' dak il-gvern. Il-gvern ġdid nazzjonalista reġa' raħħas xi ftit il-prezzijiet (imma mhux għal kif kienu qabel...), u l-poplu kompla jikkonsma bl-addoċċ. Elezzjoni waħda wara l-oħra n-nazzjonalisti baqgħu hemm, sakemm fl-aħħar anki huma kellhom iċedu għall-inevitabbli - id-dawl u l-ilma jridu jogħlew bil-goff għax m'hemmx biżżejjed flus biex nibqgħu nipproduċuhom mingħajr ma nkomplu niddejnu u nlaqqtu xebgħa sanzjonijiet mill-Unjoni Ewropea minħabba d-defiċit.

Ħupp. Il-folja kienet inqalbet ta' taħt fuq. Eżatt bil-maqlub. In-nazzjonalisti issa qed jippruvaw inessu xi plejtu kienu għamlu meta Alfred Sant għamel eżatt dak li qed jagħmlu huma issa. Il-General Workers Union ta' Tony Zarb komplew juru kemm fil-fatt kull ma huma sempliċi estensjoni tal-lejber. Dak iż-żmien l-ebda protesta, issa joħorġu l-eluf tan-nies jipprotestaw fil-Belt u jgħajru u jinsulentaw lill-membri parlamentari tal-gvern. Għaliex dawn l-istess nies ma ħassewx li kellhom bżonn jipprotestaw fi żmien Alfred Sant?

Sadattant issa n-nazzjonalisti wasal il-mument tagħhom li jagħlqu ħalqhom u jibilgħu l-kanna tal-ilma bil-kwiet. U issa qed jiġġustifikaw il-prezzijiet għoljin, addijo kuxjenza u boxxla soċjali. Is-sabiħa hi din. Jitkażaw b'dawk li llum qed jipprotestaw għax fi żmien Alfred Sant kienu qagħdu kwieti, u ma jirrealizzawx li huma stess ħatja ta' eżatt l-istess inkonsistenza loġika, frott il-fanatiżmu partiġġjan li ħarbtilna għal kollox il-fakultà li nirraġunaw b'moħħna minflok b'moħħ il-partit. Ngħajru lil xulxin bl-istess dnub li qed nikkommettu aħna stess.

Le, le, tal-għaġeb kemm qegħdin sew.

Sad day

Tragedy

What a sad day today for Belgium. Two trains collided head-on during the rush hour at 8:30 this morning in Halle, a pleasant suburban town to the SW of Brussels. The outcome - many passengers dead; the number is still undetermined, an early estimate being about 20. Even as I write this evening, there are people trapped inside the trains that literally drove into each other. People needed to have limbs amputated under the snow to be released from the wreckage. They had just set off from their loved ones at home for a normal day of work. How awfully terrible.

The cause of the accident is yet unestablished. The most likely, as reported in various news bulletins, is that one driver didn't see a red light and kept going.

I only hope it wasn't due to the pig-headed linguistic pride that resulted in several deaths in another train crash a few years ago. That was criminally insane - ignoring the risk of people dying for the sake of a stupid language.

Michael Jackson

I've just been watching a news item, where a lawyer representing the Jackson family is claiming that Michael's doctor, who is currently facing charges of manslaughter related to his patient's death, deliberately murdered Michael Jackson.

I'm astounded. Now why should Michael Jackson's doctor want to kill him? I suppose he was earning good money off him. The way I see it, it was already a miracle that the poor fellow lived to be 50. He was a walking skeleton. It was painful to watch.

Anthony Mifsud

Back in Malta, in the dark days of the Mintoff regime a prison warder was falsely accused of allowing two inmates to escape. He was tortured in the process. He lost his job, his health, his wits. He became an invalid. For many years after Mintoff and KMB were sent packing Mifsud sought compensation for this inhuman treatment from the Maltese government. A few months ago, after much delaying tactics the Maltese courts finally awarded him 180,000 euro in damages. Today the Times of Malta reported that now Mifsud has had to file a judicial letter in the Court, claiming that he was never paid his due.

What an utter shame! This is a government that claims to be inspired by Christian Democratic values. CD values, my arse.

Enrico Preziosi

Enrico Preziosi is president of the Genoa football club. Six years or so ago he was caught red-handed bribing officials from another club to lose so that his Genoa would gain promotion to Serie A. Police agents found a briefcase literally full of cash provided by Mr Preziosi. Genoa did win their game, but were then demoted to Serie C.

This same Enrico Preziosi is now accusing Alex Del Piero, who was yesterday tripped by a Genoa defender as he entered the penalty area, earning a penalty for Juventus, of cheating. Whether he was tripped inside the area or not is irrelevant here - it was the referee's job to check where the offence took place. This accusation of cheating, coming from the scoundrel Enrico Preziosi, is indeed rich.

Bersani and Emilio Fede

It had to be these two political arch enemies, at last, to make me smile this evening. Emilio Fede, a journalist and news director of Rete 4, Berlusconi's most ardent and outspoken supporter in the Italian media, invited Pier Luigi Bersani, leader of the opposition and the Italian ex communists, the Partito Democratico, for a live TV interview on Fede's evening news programme. The discussion was heated, but civil. Both men of diametrically opposite political opinion clearly enjoyed the debate. So did I enjoy watching their repartee, an exhibition of civilised disagreement, the way it should be.